ವಿಜಯನಗರದ ಹೆಬ್ಬಾಗಿಲು ಕಂಪ್ಲಿ

 ವಿಜಯನಗರದ ಹೆಬ್ಬಾಗಿಲು ಕಂಪ್ಲಿ

 (ಕಂಪ್ಲಿ): ನೂತನ ಜಿಲ್ಲೆ ವಿಜಯನಗರ ರಚನೆಗೆ ಸಚಿವ ಸಂಪುಟ ಒಪ್ಪಿಗೆ ಸೂಚಿಸಿದೆ. ಆದರೆ, ನೂತನ ಜಿಲ್ಲೆಯಲ್ಲಿ ಕಂಪ್ಲಿ ತಾಲೂಕನ್ನು ಕೈಬಿಟ್ಟಿರುವುದಕ್ಕೆ ಸಾರ್ವಜನಿಕರು ಬೇಸರ ವ್ಯಕ್ತಪಡಿಸಿದ್ದಾರೆ. ನೂತನ ಜಿಲ್ಲೆಗೆ ಪಟ್ಟಣವನ್ನು ಸೇರಿಸುವಂತೆ ಒತ್ತಾಯಿಸಿದ್ದಾರೆ.

ಈ ಹಿಂದೆ ಸಿಎಂ ಬಿ.ಎಸ್‌.ಯಡಿಯೂರಪ್ಪ, ಸರಕಾರದ ಮುಖ್ಯ ಕಾರ್ಯದರ್ಶಿಯವರಿಗೆ 19.9.2019ರಂದು ಬರೆದ ಪತ್ರದಲ್ಲಿ ಕಂಪ್ಲಿ ನೂತನ ಜಿಲ್ಲೆಗೆ ಸೇರಿತ್ತು. ಜಿಲ್ಲಾ ಕೇಂದ್ರ ಬಳ್ಳಾರಿಗೆ ಕಂಪ್ಲಿ ಸುಮಾರು 50 ಕಿಮೀ ದೂರದಲ್ಲಿದೆ. ದೂರದ ಜಿಲ್ಲಾ ಕೇಂದ್ರಕ್ಕೆ, ಇಲ್ಲಿನ ಜನತೆ ನಾನಾ ಕೆಲಸ ಕಾರ್ಯಗಳಿಗೆ ತೆರಳಲು ಅಡಚಣೆಯಾಗಿದೆ.

ಅಲ್ಲದೇ ಪಟ್ಟಣ ಹೊಸಪೇಟೆ ಉಪ ವಿಭಾಗಕ್ಕೆ ಸೇರಿದೆ. ಜಿಲ್ಲಾ ಕೆಲಸಕ್ಕೆ ಬಳ್ಳಾರಿಗೆ, ಉಪ ವಿಭಾಗದ ಕಾರ್ಯಗಳಿಗೆ ಹೊಸಪೇಟೆಗೆ ಹೋಗಬೇಕಾದ ಸ್ಥಿತಿ ಇಲ್ಲಿನ ಜನರದ್ದಾಗಿದೆ. ನೂತನ ವಿಜಯನಗರ(ಹೊಸಪೇಟೆ) ಪಟ್ಟಣದಿಂದ 30 ಕಿಮೀ ದೂರದಲ್ಲಿದೆ. ಉಪ ವಿಭಾಗವೂ ಇಲ್ಲಿಯೇ ಇರುವುದರಿಂದ ಜನತೆಗೆ ಬಹು ಅನುಕೂಲವಾಗುತ್ತಿತ್ತು.

ಅಲ್ಲದೇ ಕ್ಷೇತ್ರ ವಿಗಂಡಣೆ ಮತ್ತು ನೂತನ ತಾಲೂಕು ರಚನೆಗೆ ಮುನ್ನ ಕಂಪ್ಲಿ ಹೊಸಪೇಟೆ ವಿಧಾನಸಭೆ ಕ್ಷೇತ್ರ ಮತ್ತು ತಾಲೂಕಿನಲ್ಲಿತ್ತು. ಹಿಂದಿನಿಂದಲೂ ನೂತನ ವಿಜಯನಗರ ಜಿಲ್ಲೆ ರಚನೆಗೆ ಇಲ್ಲಿನ ನಾನಾ ಸಂಘ, ಸಂಸ್ಥೆಗಳ ಪದಾಧಿಕಾರಿಗಳು, ಜನತೆ ಬೆಂಬಲಿಸಿದ್ದರು.

ವಿಜಯನಗರ ಜಿಲ್ಲೆಗೆ ಹಗರಿ ಬೊಮ್ಮನಹಳ್ಳಿ ಜಿಲ್ಲಾ ಕೇಂದ್ರವಾಗಲಿ: ಶಾಸಕ ಭೀಮಾನಾಯ್ಕ್‌‌ ಒತ್ತಾಯ

ಶುಕ್ರವಾರ ನಡೆದ ಸಚಿವ ಸಂಪುಟ ಸಭೆಯಲ್ಲಿ ರಾಜ್ಯ ಸರಕಾರ ರಾಜ್ಯದ 31ನೇ ಜಿಲ್ಲೆಯಾಗಿ ವಿಜಯನಗರವನ್ನು ರಚಿಸಲು ಅನುಮೋದನೆ ನೀಡಿದ್ದು, ಅಖಂಡ ಬಳ್ಳಾರಿ ಎರಡು ಜಿಲ್ಲೆಗಳಾಗಿ ವಿಭಜನೆಯಾಗಿದೆ. ಬಳ್ಳಾರಿಗೆ 5 ಹಾಗೂ ಹೊಸ ವಿಜಯನಗರ ಜಿಲ್ಲೆಗೆ 6 ತಾಲೂಕುಗಳನ್ನು ಸೇರಿಸಲಾಗಿದೆ.

ನೂತನ ವಿಜಯನಗರ ಜಿಲ್ಲೆ ಜನರಿಗೆ ಶಾಕಿಂಗ್ ನ್ಯೂಸ್..! ವಿಶೇಷ ಮೀಸಲಾತಿ ಸಿಗೋದು ಕಷ್ಟ ಕಷ್ಟ..!

ಬಳ್ಳಾರಿ ಜಿಲ್ಲೆಯಲ್ಲಿ ಕಂಪ್ಲಿ, ಸಿರುಗುಪ್ಪ, ಸಂಡೂರು, ಕೂಡ್ಲಿಗಿ, ಬಳ್ಳಾರಿ ಹಾಗೂ ಕುರುಗೋಡನ್ನು ಉಳಿಸಿಕೊಂಡಿದ್ದರೆ, ನೂತನ ವಿಜಯನಗರ ಜಿಲ್ಲೆಗೆ ಹೊಸಪೇಟೆ, ಹಗರಿ ಬೊಮ್ಮನಹಳ್ಳಿ, ಹೂವಿನಹಡಗಲಿ, ಕೊಟ್ಟೂರು, ಹರಪನಹಳ್ಳಿ ಹಾಗೂ ಕೂಡ್ಲಿಗಿ ತಾಲೂಕುಗಳನ್ನು ಸೇರಿಸಲಾಗಿದೆ.

https://www.facebook.com/kamplitrolls/posts/1059687791135570

ವಿಜಯನಗರದ ಹೆಬ್ಬಾಗಿಲು ಕಂಪ್ಲಿ

ವಿಜಯನಗರ ನೂತನ ಜಿಲ್ಲೆಗೆ ತನ್ನ ಹೆಬ್ಬಾಗಿಲು ಮರೆತುಹೊಯ್ತಾ..?

ರಾಜಕೀಯದಿಂದ ಕಂಪ್ಲಿ-ವಿಜಯನಗರ ದೂರ ದೂರ

ಕಂಪ್ಲಿಯ ಶಾಸಕರೇ..ಕ್ಷೇತ್ರದ ಮೇಲೆ ತಮಗೆ ಕಾಳಜಿ ಇಲ್ವಾ..?

ರಾಜಕೀಯಕ್ಕಾಗಿ ಕಂಪ್ಲಿ ಮತ್ತು ವಿಜಯನಗರವನ್ನು ದೂರ ಮಾಡಬೇಡಿ

https://www.facebook.com/kamplitrolls